Busturiak, euskararekiko konpromisoari eutsiz, bat egiten dau Euskaraldiaren laugarren edizinoagaz, geure hizkuntza-ohiturak aldatuz euskararen erabilera handitzea helburu daukon ekimenagaz. Horretarako, hainbat jarduera programatu dira udalerrian euskararen erabilera sustatzeko, baita aisialdian be.
“Busturian euskaraz bizi gara, gure egunerokotasunean dago, euskaraz komunikatzen gara, lan egiten dogu, ikasten dogu eta euskaraz be dibertitzen gara. Euskaraz bizitzea kutsatu eta festa bihurtzea gura dogu. Euskararekiko dogun konpromisoa agerian geratu da ekimenean izena emon daben herritar eta herriko alkarte sozio-kulturaletan. Udaletik, Busturiko herritar guztiak eta bisitatzen gaituztenak, Belarriprest edo Aho bizi lez, programau doguzen ekintzetan parte hartzera animatzen doguz”, adierazi dau Aitor Aretxagak, Busturiko Alkateak.
Aurton be ilusinoz beteta dagoz busturiarrak euskararen aldeko ariketa erraldoi honetan parte hartzeko. Hainbat eta hainbat herritarrek emon dabe izena dagoeneko, eta herriko entidadeak be horretan ari dira.
Euskaraldiaren hasiera eguna ospatzeko, honako kultur egitaraua antolatu dogu egunari jai giroa emateko asmoz:
-17:00etan, Asier Kidam magoarekin hurbileko magia ibiltariaz gozatzeko aukera izango dogu Altamirako plazan.
-18:30ean, HAMAIKAKO ERRALDOIA osatuko dogu herriko alkarteetako kideekaz eta parte hartu gura daben Euskaltzale guztiekaz.
-19:00etatik aurrera, Kantu-kantari taldeagaz eta txistulariekaz kantalditxoa izango dogu auzoan zehar.
https://www.busturia.eus/eu-ES/Albisteak/Orriak/20250508_Euskaraldiagaz-bat!.aspx