- Lamerako autobus geltokitik abiatuko dira autobusak, 09:30ean eta 11:30ean.
- Uztaileko domeketan ez da zerbitzurik eskainiko.
Jakina da Gaztelugatxeko San Juan Euskal Herriko baliabide turistiko garrantzitsuenetako bat dela, eta bisitari kopuru handia hartzen duela. Kultura eta ingurumen aberastasun handiko ingurunea da, eta guztion artean zaindu beharra daukagu. Modu horretara, aurten ere, udaldirako Bermeotik Gaztelugatxeko San Juanera abiatuko den autobus zerbitzua eta bisita gidatuak antolatu ditu Bermeoko Udalak, Turismo Bulegoaren bitartez. Zerbitzua uztailaren 4tik abuztuaren 28ra bitartean eskainiko da; uztaileko domeketan ez da zerbitzurik eskainiko.
Bisitek hiru helburu nagusi dauzkate: garraio publikoa sustatzea CO2 emisioak murrizteko eta aparkatzeko arazoak saihesteko, bisitariak Bermeora erakartzea, eta hauek Gaztelugatxeko balio naturalak eta historikoak zeintzuk diren lehen eskutik jasotzea.