Aurten be, Gautegiz Arteagako udalak alaitasuna, tradizinoa eta kolorea proposatzen dauz San Antolin jaietarako. Abuztuaren 28tik irailaren 2ra, programak adin guztietarako pentsautako jaiez gozatzera gonbidatzen gaitu, familian, lagunekaz edo taldean.
“Herriko jaiak aukera apartekoa dira beti, eguneroko betebeharrak ahazteko, lagunartean gozatzeko eta komunidade lez alkartzeko. Gure jaiak seguruak, inklusiboak eta eraso bakoak izatea gura dogu. Barriz alkartzeko unea da, auzokoekaz, senideekaz, lagunekaz batera egoteko egunak. Egitarauak ohiturak, musika, jolasak, bazkari herrikoiak eta ahalik eta gehien gozatzeko proposamen barriak biltzen dauz”, diño Patrik Saitua Betanzos Gautegiz Arteagako alkateak.
Uda amaitzear dagoela, Gautegiz Arteaga “San Antolinak” bizitzeko prestatzen ari da, urteko unerik esperoenetako bat. Ez dira ospakizunegunak bakarrik, identidade eta tradizino herrikoien agerpen bizia baino. Baina ospakizun hau berezi egiten dauena ez da programazinoa bakarrik, parte-hartzea baino, belaunaldiz belaunaldi transmititzen dan identidadea bizirik mantentzeko sentimendu kolektiboa. Musika, kultura, jolasak, kirola, herri bazkariak eta askoz gehiago.