Euskal Herriko nekazaritza-merkatu garrantzitsuenetako bat dan Urriko Azken Asteleheneko azokan 115.000 persona baino gehiago batu dira, eguraldi onak lagunduta.
Gautegiz-Arteagako Kanala Beach jatetxeak, Nafarroako Eulate gazta- dendako gazta irabazleagaitik 7.400 euro ordaindu dauz enkantean. Bigarren gazta- enkantea Sondikako Zurekin Bus enpresaren esku gelditu da, 700 euroren truke. Kopuru horreek erretiratuen etxerako erabiliko dira (Calzada Egoitza).
Irabazleei dagokienez: barazkien saria Bihortxatxu Baserriak eskuratu dau; frutena Uxarbeitri Baserriak; lore eta landareena Ortuberrik; txilar-eztiarena Baskones Extiak; miel miflores eztiarena, Mikel Jauregialzok; txakolin zuriarena Talleri Berria upategiak (Morga); Erdikoetxe Upeltegiak (Lezama) eskuratu dau gorriaren saria eta baltzarena Lapazaranek; gazten sarian Eulate gaztandegia (Nafarroa) izan da nagusi; bigarrena Arabako Bostibaieta (Legutio), eta hirugarrena Zabaleta (Munaingo Portua-Araba).