Europako Kontseiluak Bizkaiko Foru Aldundia gonbidatu du Kultura, Ondare eta Paisaia Batzordeak (CDCPP) azaroaren 18tik 20ra Estrasburgon egindako bileran parte hartzera. Nazioarteko foro honetan Bizkaiak Ondarearen Europako Jardunaldien koordinazioan duen bere esperientzia partekatu du, 25 urteko ibilbidea eta erakundeen eta herritarren arteko lankidetzan oinarritutako metodologia nabarmenduz.
Europako Kontseiluak Bizkaiko Foru Aldundia Europako Kontseiluko Kultura, Ondare eta Paisaia Batzordearen bileran Ondarearen Europako Jardunaldien barruan bere kudeaketa partekatzera gonbidatu du, erakundearen ibilbidea eta lankidetza-metodologia nabarmenduz.
Estrasburgon izan den bileran parte hartzea Bizkaiko jardunaldiak koordinatzeaz arduratzen den Bizkaiko Foru Aldundiko, BizkaiKOAko zuzendari nagusia den Asier Madarietaren esku egon da. Aurkezpenean Madarietak Bizkaia bereizten duen eredu parte-hartzailea zehaztu du, ehundik gora tokiko eragileren inplikazioan oinarritzen dena; eragile horien artean urtero programazio anitza eta deszentralizatua ahalbidetzen duten kultur erakundeak, gizarte eragileak, museoak eta udalak daude.
Bizkaiaren parte-hartzea Europako lurraldeen artean jardunbide egokiak partekatzeko antolatu den saio baten atal izan da eta ekitaldian Europako programaren lehentasunekin bat datozen esperientziak aurkeztu dira. Europako Kontseiluaren gonbidapenak kultura-ondarearen bidez gizarte-kohesioa sustatzen duen Bizkaiko ikuspegiaren sendotasuna aintzatesten du.
2025eko urrian egindako 25. edizioan, Ondarearen Europako Jardunaldiek 268 jarduera eskaini dituzte Bizkaian, 76 udalerritan alegia, eta 6.500 pertsonak baino gehiagok hartu dute parte. Programazioa 79 kultur erakunderen, 54 udalen eta 27 museoren lankidetzari esker garatu ahal izan da, lurraldeko sare sozial eta kulturala finkatzen duen sarea trinkotuz.
Estrasburgon egindako esku-hartze honen bidez Europako kultura-ondarearen partaidetzazko kudeaketan Bizkaiak erreferentziazko lurralde gisa duen eginkizuna indartzen du.