Gura ez dugun bakardadearen sinboloa den Mercedesen eskultura hipererrealista, Elai Alai Aretoan bisitatu ahal izango da, beste jarduera parte-hartzaile batzuekin batera.
BBK Banku Fundazioak bultzatutako Bakardade ikusezina izeneko erakusketa Gernika-Lumoko Elai Alai Aretoan bisitatu ahal izango da, azaroaren 24tik abenduaren 5era. Erakusketa Mercedes eskulturaren gainekoa da. Rubén Orozcok sortutako eskultura hipererrealista da, banku batean adineko emakume bakar bat irudikatzen duena. Duela sei urtetik hona, irudi hori Bizkaian zehar ibili da ikusgai, gura ez dugun bakardadeari buruz kontzientziatzeko.
Ekimena Herriz Herri programaren parte da. Programa horren bidez, BBK Banku Fundazioak eta Bizkaiko udalek gizarte-eragin positiboko proiektuak garatzen dituzte. Gernika-Lumon, erakusketa hau jendearentzat irekitako beste jarduera batekin osatuko da: kafe-solasaldia (abenduaren 2an, 17:00etan), biak areto berean.
Osasunaren Mundu Erakundeak (OME), ohartarazi du bakardadea XXI. mendeko epidemia handietako bat dela, eta eragin nabarmena duela osasun fisikoan, emozionalean eta sozialean. Mercedes erakusketa hau Gernikara heldu da hausnarketa kolektiborako gune bat zabaltzeko, gero eta zaharragoak diren gizarteetan gero eta handiagoa den erronkaren gaineko gogoeta, hain zuzen.