Iturria: Irekia
- Koldo Goitia, Eusko Jaurlaritzako Elikadura, Landa Garapen, Nekazaritza eta Arrantza Saileko Portu eta Itsas Gaietako zuzendaria izan da buru
- Merkataritza-portuan 2024an 83 merkataritza-ontzi sartu ziren eta deskarga-bolumena 180.000 tonakoa izan zen
- Arrantza-portuak 30 itsasontziko flota du: 2024an Bermeoko Kofradiaren arrain-salmentak 2.700.00 kilogramotik gorakoak izan ziren
Portu Zaharrean, aisialdiko portuan, esleitutako 400 amarraleku daude
Gaur goizean eratu da Bermeoko lehenengo Portuko Udal Kontseilua, eta portuaren egoera eta aukerak, eta bertako merkataritzako, arrantzako eta uretako aisialdiko jarduerak aztertu ditu. Koldo Goitia Eusko Jaurlaritzako Elikadura, Landa Garapen, Nekazaritza eta Arrantzako zuzendaria buru dela egin da bilera, eta bertan izan dira Ixone Soroa Arrantza eta Akuikulturako zuzendaria, Edurne Egaña EKPko zuzendaria, Nadia Nemh Shomaly alkatea eta Marbeco eta Bermeo Offshoreko, kontsignatarioak, Arrantzaleen Kofradia eta Bermeoko Amarratzaileen Elkartea.
Bilera Bermeoko Portuetako bulegoetan egin da, eta hiru dartsenen egoera aztertu da. “Eusko Jaurlaritzak kudeatzen duen eta espazio berean hiru jarduera, hau da, arrantza-jarduera, salgaien garraioa eta uretako aisialdia, egiten diren portu bakarra da”, zehaztu du Koldo Goitiak.
Merkataritza-portuari dagokionez, 2024an 83 merkataritza-ontzi sartu ziren eta deskarga-bolumena 180.000 tonakoa izan zen.
Arrantza-portuak 30 ontziz osatutako arrantza-flota du, eta funtsezko zeregina betetzen du bertako ekonomian. 2024an, Bermeoko Kofradiaren arrain-salmentak 2.700.000 kilogramo ingurukoak izan ziren. Portu Zaharrean, aisialdiko portuan, esleitutako 400 amarraleku daude.
Bileran, portuaren garapenerako eta modernizaziorako alderdi estrategikoak eztabaidatu dira, portuaren lehiakortasuna eta jasangarritasuna hobetzeko. Gainera, besteak beste, epe labur eta ertaineko inbertsioak ere aztertu dira: izotz-fabrika eraikitzea eta lekuz aldatzea, izotz-fabrikaren egungo eraikina eraistea.
Azken asteotan, Euskadiko kostaldeko herrietako portuetako kontseiluak eratzen ari dira. Bihar, asteartea, Lekeitiokoa kudeatuko da.