Foruko Udalak “Foruko Historia 12 Mugarritan” izeneko liburua argitaratu dau, dibulgaziozko lana, eta herritarrei aurkeztu ondoren, doan banatu du herrian. 12 erreferentzia historikotan zehar, Foruaren historiaren une garrantzitsuenak azaltzen ditu Rober Garay artistak ilustratutako liburuak. Kontakizunak zorroztasun historikoz islatzen ditu herriaren iraganeko une garrantzitsuenen xehetasunak, historiaurretik hasi eta aro garaikideraino. Atxagakoa haitzuloan hasten den argitalpenak dioenez, duela 100.000 urte baino gehiago Busturialdeko lehen giza okupazioaren aztarnak aurkitu ziren bertan. Erromatarren aurreko garaiari eta erromatarren garaiari buruzko xehetasunak ere ematen dituzte. Erdi Aroko Urdaibaiko dorretxea, burdinolak eta errotak, San Kristobal ermita-eliza, harrobia, frantziskotarren komentua, 1937ko fusilamenduak eta 1986ko desanexioa dira argitalpenak jasotzen dituen beste mugarri nabarmenetako batzuk.