- Jose Maria Gorroño alkateak Darawan Hafi Hameed kurduen ordezkaria hartu du gaur goizean Osoko Bilkuren Aretoan
Sinbolismoz betetako topaketa instituzionala izan da protagonista Gernika-Lumoko udaletxean gaur. Jose Maria Gorroño alkateak Darawan Hafi Hameed Kurdistango Gobernuak Espainian duen ordezkaria hartu du Osoko Bilkuren Aretoan. Harrera horretan, harremanak estutu nahi izan dituzte sufrimenduzko iraganaren oroimena eta bakearen etorkizuna partekatzen duten bi komunitateen artean. Bi ordezkaritzek lurralde erresilienteak diren Gernika-Lumo eta Kurdistanen arteko paralelismoak azpimarratu dituzte, erresistentzia eta gainditze ikurrak.
Alkateak hurbilketa honen dimentsio sinbolikoa azpimarratu du: “Gure historiak gerraren mina gogorarazten digu, baina, aldi berean, bakean izango den etorkizunera begira jartzera behartzen gaitu. Kurdistango ordezkariarekin egindako topaketa hau beste urrats bat da, memoriak, zatitu beharrean, balio berdinak dituzten herriak batu ditzakeela berresteko”.
Horrelako ekitaldiekin, Udalak berretsi egiten du foru-herria bakeari, elkartasunari eta herrien arteko ulermenari lotutako balio unibertsalen erreferente gisa proiektatzen jarraitzeko duen borondatea.