José María Gorroño alkateak herria erresistentzia eta memoria historikoaren sinbolo gisa aitortzen duen saria jaso du.
Gernika gerraren izugarrikeriaren ikur unibertsal bihurtu zen duela zortzi hamarkada, eta, astelehen honetan, 2025eko Bakearen Mediterraneo Saria eman diote, sari honen hogeita hamargarren urteurrena betetzen den honetan egin duten edizio bereziaren barruan.
Saria 1937an herriak izan zuen bonbardaketaren 88. urteurrenean eman da. Gernika-Lumoko alkateak, José María Gorroñok, saria jaso du udaletxean egindako ekitaldi batean. Bertan izan dira, halaber, erakundeko idazkari nagusia, Michele Capasso irakaslea eta Napolesko Bakearen Museoko zuzendaria, Pia Molinari.
“Esker onez jaso dut sari hau, bakearen eta giza eskubideen alde urteetan egin dudan lan neketsuaren emaitza baita”, adierazi du alkateak ekitaldian. “Deskantsu barik egin dut lan Gernika-Lumotik Bakearen ahotsa munduko bazter guztietan entzun dadin. Ahots hori, denborarekin, gero eta indartsuagoa izango da, bakea ez baita eskubide indibiduala, baizik eta eskubide kolektiboa, mugak gainditu behar dituena”, gaineratu zuen.
“Bakeak gorroto, mendeku, beldur eta bazterkeria harresiak bota behar ditu”, azpimarratu zuen alkateak. “Eta globala izan behar du, ezin baikara bakean bizi beste leku batzuetan bidegabekeriak, gosea eta atsekabea dauden bitartean”.
“Bakean dagoen mundua justiziak, ulermenak, elkarrizketak, giza-eskubideekiko eta gizarte-eskubideekiko errespetuak ematen duten duintasunarekin bizi den mundua da”, adierazi zuen amaitzeko.
Munduko Estatu Batuak nazioarteko erakundeak emandako aitortzak nabarmentzen du Gernikak historia hurbilean sostengatu duen giza eskubideen eta bakearen kulturaren defentsa.
Munduko bakearen sinboloa
Omenaldiaren barruan, herriak Bakearen Totema jaso du, Mario Molinari artista italiarraren jatorrizko eskultura, gaur egun herriko ondare sinbolikoaren parte dena. Gainera, alkatea eta herritarrak “Munduko Estatu Batuetako Bakearen Abanderatu” izendatu dituzte.
Oinarrizko eskubideen eta askatasunaren defentsan erreferentzia diren pertsona edo erakundeei ematen zaie saria. Aurreko sarituen artean daude honako hauek daude: Rania de Jordania erregina, Angela Merkel Alemaniako kantziler ohia, José Mujica Uruguaiko presidente ohia, Barack Obama Estatu Batuetako presidente ohia eta Felipe VI.a Espainiako erregea.