- Ekainaren 21etik aurrera, Bizkaibusek ibilbide eta ordutegi barriak ezarri dauz A3532, A3533 eta A3534 lineetarako, Busturialdeko udalerriak Gernikagaz hobeto lotzeko.
- A3532 GERNIKA LUMO – NABARNIZ lineak, Kortezubin geralekua izanik, A3532 GERNIKA LUMO – EA izena hartuko dau, eta ibilbide eta ordutegi desbardinak izango dauz udan (ekainetik irailera) eta neguan (urritik maiatzera).
Kortezubik ordu-maiztasuna irabaziko dau Bizkaibus autobus zerbitzuan, A3532 Gernika-Lumo-Ea linea barriagaz. Proba pilotu gisa, línea barri honek bat egingo dau A3513 Bilbo-Ospitalea-Gernika-Ea-Lekeitio linea erregularragaz eta Gernika-Lumo-Ibarrangelu ibilbidea egiten dauen hondartza-zerbitzuagaz.
Proba pilotu honek ordutegi desbardina izango dau neguan eta udan (konsultau ordutegia atxikitako taulan). Zerbitzu barriak A3532 linea barriagaz 13 plazako mikrobusa izango dau, linea erregularreko bus-zerbitzua eta hondartza-zerbitzua osatzeko. Horrela, udan zehar Kortezubiko bizilagunek autobusez maiztasun handiagogaz mugitzeko aukera izango dabe. Ekainaren 21etik aurrera, Kortezubitik Gernika-Lumorako autobusak 6:43etatik (ordutegia gutxi gorabehera) 22:43etara pasauko dira.
Gernika-Lumotik irtengo diran autobusak 5:45etik 21:00etara Kortezubin geldialdiak eginez. Ordutegi hauek A3513 Bilbao-Ospitalea-Gernika-Ea-Lekeitio lineagaz eta A3532 Gernika-Lumo-Ea linea barriagaz beteko lirateke. Maiztasun hori hondartzako zerbitzuagaz osatuko da (A3526 linea), Gernika-Lumotik irteerak egingo dira ordu erdiro (hh.00 eta hh.30) eta Gernika-Lumorantza bueltan be herritik igaroko dira (hh.00 eta hh.30).